nostalgía eða hvað..

Jámm, lífið gengur sinn vanagang, kominn þriðjudagur og bara að koma helgi aftur.. ja eða gottsem..Er búin að vera með undarlega heimþrá í dag, kannski ég hafi bara smitast af henni Kibbu sem bloggaði eitthvað um heimþrá um daginn, sakna bara mömmu og pabba, væri alveg til í gott spjall yfir góðum kaffibolla í stofunni í Hraunhólnum.. kannski maður skelli sér bara einhverja helgina og fylli lungun af góðu nesjalofti, eins gott að láta ekki marga mánuði líða á milli þess sem maður gerir það.. svo er ég búin að komast að því að vatnið í nesjunum er mýkra heldur en í reykjavík.. væri ekkert smá gott að geta farið í sjóðheita, langa og mjúka sturtu.. Ekki það að þetta sé í fyrsta skipti sem svona heimþrá kemur yfir mig.. það er bara eitthvað svo skrítið, um leið og maður kemur í nesin, færist yfir mann svona friður og maður fær einhvern vegin ró í hjartað og manni líður alveg rosa vel, þekkir hverja þúfu og hvern hól, alltaf einhverjar minningar sem tengjast, kannski er það bara árstíminn, það var alltaf svo gaman á haustin, krakkarnir að koma í skólann, réttirnar, taka slátur, fara í berjamó, vinna í karftöfluupptöku “ þabbarekkertannað .. barallurgarðurinnkominnuppá..“ Nei, held að þetta sé ekki tengt við árstímann.. það var bara alltaf gaman í nesjunum, sama hvaða árstími það var.. stundum hugsa ég hvað það væri gaman ef börnin mín fengju að upplifa þetta allt, en þá man ég hvað þetta er allt breytt.. ekki 30 krakkar í hverfinu eins og var.. engir moldarhólar eða húsgrunnar, ekki hrúga af krökkum á íþróttaæfingum, engar hjólatorfærur.. úff.. vá.. greinilega smá nostalgía í gangi.. Er samt mjög happý með þann stað sem ég er á í dag.. er mjög happý bara.. er bara, æhj, með smá heimþrá…