gúrka

jæja.. alltaf sami skítakuldinn á þessu skeri.. hef svossem ekkert að segja, ekkert merkilegt hefur gerst hjá mér, lífið gengur út á að vakna, koma ormunum í skólann (sem getur reyndar tekið allverulega á fyrir svona morgunhresst fólk eins og mig), græja sig í vinnuna, blóta því að finna aldrei bílastæði (nema á þeim svæðum sem stendur stórum stöfum „VARÚÐ, HÆTTA Á MÁLNINGARÚÐA“, tók mig alveg nokkra mánuði að skilja þetta og þarfafleiðand er bíllinn minn allur út í úðaógeði..), mæta svo í vinnuna og reyna að vinna eitthvað, fara svo heim, oft með viðkomu í búðinni, elda matinn, horfa á sjónvarpið og fara að sofa… alveg hreint ótrúlega rólegt eitthvað.. Reyndar fór ég á Charly and the chocholate factory með Birki um helgina og myndin var vægast sagt frábær, Eiður og vinur hans sem fengu far með okkur í bíóið fóru á sömu mynd en eitthvað eru menn nú orðnir stórir því þeir ætluðu sko einir í bíó (þangað til við Birkir tróðumst með) og sátu því eins langt frá okkur eins og þeir mögulega gátu.. mér fannst það nú aðallega fyndið.. Held að það sé að bera í bakkafullan lækinn að tala eitthvað um þessa sápuóperu sem tröllríður samfélaginu.. Birkir sagði í morgun, „mamma, hvað er eiginlega þetta baugsmál???“.. ég sagðist bara hreinlega ekki nenna að reyna að útskýra það fyrir honum…Annars eru þeir bara hressir og kátir, byrjaðir á fullu í Gítarskólanum og æfa sig stíft, okkur til mikillar ánægju og yndisauka.. þeir eru guðsgjöf þessir drengir…hjá.. þaðldég..