dagurinn í dag

fór í stelpupartý í hádeginu.. það var haldið að Meistaravöllum 9 og mættar voru Hrafnhildur, Sunna Kristín, Heiða Björk, ég og svo lítill kettlingur sem Heiða Björk dróg upp úr vasa sínum. Vantaði bara mömmu og þá hefði þetta verið fullkomið stelpupartý.. fengum veitingar sem samanstóðu af brauði, smjöri, osti, safa og grænu, mjólkurlausu te-i.. semsagt mjög gott hádegi.. annars er dagurinn búinn að vera hálf þreyttur eitthvað, rigning og sól til skipis og skapið eftir því, er því að hugsa um að fara að koma mér heim, þarf að upphugsa eitthvað skemmtilegt í kvöldmatinn, merkilegt hvað mér finnst leiðinlegt að ákveða hvað á að vera í kvöldmatinn og það er fátt sem fer eins mikið í taugarnar á mér þegar ég spyr kallana sem ég bý með hvað ég eigi að hafa í kvöldmatinn og þeir svara „eitthvað gott…“ vildi óska þess að ég hefði, þó ekki væri nema lítið brot af mataráhuga og þeirri nennu sem hann faðir minn hefur.. þá væri maður nú í góðum málum..Þess vegna spyr ég ykkur lesendur góðir.. hvað ætti ég nú að hafa í matinn í kvöld???